Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtoresha ekzekutive e Shoqatës së Përpunuesve të Drurit të Kosovës, Arieta Pozhegu i ka bërë thirrje Qeverisë që të lehtësojnë procedurat doganore për eksporte. Ajo ka thënë për Ekonomia Online se drejtuesit e këtij sektori të biznesit, kanë ide për zhvillimin e industrisë dhe duhet të rriten fondet për grante dhe investime në teknologji dhe lëndë të parë. “Nëse kjo industri konsiderohet strategjike nga qeveria, atëherë kërkesat tona për mbështetje janë të mëdha. Kosova ka mundësi të mobilizojë të gjithë donatorët dhe fondet. Kur kompanitë marrin një projekt në Evropë, cikli i punës zgjatë rreth 6 muaj deri në shitjen e produktit, dhe ky cikël duhet mbuluar nga bankat komerciale. Shpesh për kompanitë është e vështirë për shkak të periudhës së kthimit të pagesës. Çdo fond zhvillimor për industrinë është i mirëseardhur dhe do të ishte një nxitje e madhe, jo vetëm për industrinë e drurit, por edhe për industritë e tjera në Kosovë. Nuk kemi shumë industri, por ato që i kemi duhet t’i stimulojmë që të ecin përpara” ka porositur drejtoresha ekzekutive e Shoqatës së Përpunuesve të Drurit të Kosovës, Arieta Pozhegu.
