Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomati Blerim Canaj ka kritikuar ashpër qasjen aktuale politike ndaj zgjedhjeve, duke thënë se hyrja në garë elektorale pa adresuar gjendjen sociale të qytetarëve, ekonominë dhe politikën e jashtme përbën papërgjegjësi serioze. Është e papranueshme që subjektet politike të kërkojnë vota pa ofruar zgjidhje konkrete për krizën sociale dhe ekonomike, si dhe për gjendjen e rënduar të politikës së jashtme të Kosovës. Dialogu me Serbinë duhet të mbetet prioritet kyç, pasi lidhet drejtpërdrejt me sigurinë në Ballkan, duke rikujtuar se kjo çështje është edhe interes strategjik i Shteteve të Bashkuara të Amerikës. Sipas Canajt, injorimi i dialogut dhe i marrëdhënieve me partnerët strategjikë rrezikon jo vetëm pozitën ndërkombëtare të Kosovës, por edhe partneritetin me SHBA-në, duke e bërë të qartë se çdo qeveri që synon pushtetin duhet ta trajtojë këtë temë me seriozitet maksimal.
