Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti Ismet Hajrullahu shpreh shqetësim të thellë lidhur me implikimet që mund të ketë skandali i ish-emisarit të BE-së për dialogun Kosovë–Serbi, Miroslav Lajçak, lidhur me dosjet e Jeffrey Epstein. Sipas Hajrullahut, këto zhvillime nuk janë më thjesht kuriozitet mediatik, por një çështje që prek drejtpërdrejt integritetin e procesit të paqes dhe besueshmërinë e Bashkimit Europian në Ballkan. Hetimet e fundit kanë nxjerrë në pah shkëmbime mesazhesh mes Lajçakut dhe Epstein, ku përmenden gra, lojëra të dyshimta dhe madje kontakte me diplomatë rusë. Hajrullahu ngre pyetje të rëndësishme: a ka qenë Lajçak i ekspozuar ndaj ndikimeve të huaja gjatë udhëheqjes së një procesi kaq delikat? A ka qenë situata e kompromentuar kur ai drejtonte dialogun Kosovë–Serbi? Gazetarët në Bruksel kanë kërkuar përgjigje konkrete nga Komisioni Europian, por ajo që kanë marrë është shmangie e hapur dhe paqartësi, një heshtje që sipas Hajrullahut nuk është mençuri, por mungesë guximi dhe bashkëfajësi ndaj problemit. Dorëheqja e Lajçakut nga posti i këshilltarit të sigurisë kombëtare në Sllovaki e bën edhe më urgjente nevojën për një hetim të plotë dhe transparent. Analisti thekson se Kosova dhe shqiptarët nuk mund të jenë peng i diplomacisë së kompromentuar të BE-së, pasi procesi i dialogut është tepër serioz dhe i ndjeshëm.
