Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Opinionisti Avni Arifi ka shprehur kritika të ashpra ndaj Prokurorisë së Hagës, duke vënë në dyshim paanshmërinë dhe integritetin e saj në trajtimin e rasteve që lidhen me Kosovën. Arifi tha se kjo prokurori, sipas perceptimit të tij, nuk ka arritur të dëshmojë objektivitet dhe profesionalizëm të mjaftueshëm, duke lënë të kuptohet se veprimet e saj kanë prapavijë politike. Ai shkoi më tej duke pretenduar se Prokuroria e Hagës ka vepruar në linjë me narrativat e Serbisë, duke u mbështetur, sipas tij, në argumente të fabrikuara nga pala serbe. “Prokuroria e Hagës, në sytë e mi, nuk më ka bindur për asgjë. Më ka bindur që është krejtësisht politike, që ka qenë krah i djathtë i Serbisë, në marrjen e argumenteve, të fabrikuara nga Serbia, qysh e njohim ne”, ka deklaruar Arifi. Deklaratat e tij vijnë në vazhdën e debateve dhe reagimeve të shumta publike lidhur me punën e institucioneve të drejtësisë ndërkombëtare dhe perceptimin e paanshmërisë së tyre në rastet që lidhen me ish-krerët e UÇK-së.
