Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-pjesëtari i Ushtrisë Çlirimtare të Kosovës, Valon Murati, ka reaguar pas kërkesës së Prokurorisë së Specializuar në Hagë për gjithsej 180 vjet burgim ndaj ish-krerëve të UÇK-së, duke deklaruar se lufta për liri nuk mund të gjykohet nga asnjë prokurori apo gjykatë. Në reagimin e tij, Murati theksoi se përtej zhurmave të momentit dhe, siç u shpreh ai, pasioneve urrejtëse, lufta e popullit shqiptar e udhëhequr nga UÇK-ja do të mbetet pika më e ndritshme e historisë së re të Kosovës. Sipas tij, përpjekjet për ta vënë në bankën e të akuzuarve këtë luftë përbëjnë shtrembërim të thelbit të saj. Ai shtoi se koha do të japë verdiktin e vet: “Një ditë, jo larg nga e sotmja, historia do të jetë e pamëshirshme ndaj urrejtësve e brejtësve të sotëm dhe do të ngrejë lart, të pastër si loti, ata që ishin në ballë të luftës që solli lirinë që po e gëzojmë sot”, ka shkruar Murati.
