Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gresë J. Krasniqi, bija e Jakup Krasniqit, ka reaguar me një mesazh të fortë emocional dhe kritik pas zhvillimeve të fundit në Gjykatën Speciale, ku prokuroria ka kërkuar dënim me nga 45 vite burg për secilin prej të akuzuarve. Në një shkrim publik, ajo e përshkruan ditën e arrestimit të babait të saj si një moment kur, sipas saj, “drejtësia humbi fytyrën”. Ajo thekson se arrestimi nuk ishte vetëm goditje personale për familjen, por edhe, siç shprehet, një padrejtësi ndaj një çlirimtari që ia kishte kushtuar jetën lirisë së vendit. Duke iu referuar moshës së të akuzuarve dhe kohëzgjatjes së dënimit të kërkuar, Krasniqi e konsideron këtë si një dënim praktikisht të përjetshëm. Në reagimin e saj, ajo rikujton që babai i saj, Jakup Krasniqi, edhe më herët ka përballuar arrestime e dënime, duke cituar bindjen e tij se vitet pas luftës i ka konsideruar gjithmonë “dhuratë”, në kujtim të bashkëluftëtarëve që nuk mbijetuan. Megjithatë, ajo ngre një shqetësim të thellë moral për procesin, duke pyetur publikisht se ku mund të kërkohet shpresa kur, sipas saj, vetë institucioni i drejtësisë vihet në pikëpyetje.
