Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eurodeputetja nga Sllovenia, Tanja Fajon ka shfaqur mendimin e saj se liberalizimi i vizave varet nga Kosova. Ajo është cituar të ketë deklaruar se pa miratimin e Marrëveshjes së Demarkacionit të Kufirit me Malin e Zi dhe pa luftimin e korrupsionit s’ka liberalizim të vizave për Kosovën me Bashkimin Evropian. Eurodeputetja, Tanja Fajon ka shtuar më tutje se me votën e fundit në LIBE Parlamenti Evropian i ka dërguar mesazhe të qarta lidershipit kosovar se ata janë seriozë rreth liberalizimit të vizave për qytetarët e Kosovës. Tani topi është në fushën e Kosovës. Vota e së hënës është jashtëzakonisht e rëndësishme. Komiteti përgjegjës në Parlamentin Evropian ka miratuar raportin tim për liberalizim të vizave për Kosovën. Ne i kemi dërguar një mesazh të qartë Kosovës që jemi të përkushtuar në këtë proces, është cituar të ketë deklaruar eurodeputetja, Tanja Fajon.
