Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Aleanca për Ardhmërinë e Kosovës, Haki Abazi, ka drejtuar kritika të ashpra ndaj kryeministrit të Kosovës, Albin Kurti, duke pretenduar se ai ka refuzuar të diskutojë për hapat drejt anëtarësimit të Kosovës në NATO gjatë takimeve me zyrtarë të lartë amerikanë. Sipas Abazit, gjatë vizitave të kongresmenëve dhe senatorëve amerikanë në Kosovë, kryeministri Kurti nuk është përfshirë në diskutimet lidhur me një plan konkret për integrimin e vendit në Aleancën Veri-Atlantike. Ai ka deklaruar se senatorët amerikanë Chris Murphy dhe Jeanne Shaheen kishin vizituar Kosovën menjëherë pas fillimit të luftës në Ukrainë dhe kishin kërkuar hartimin e një “roadmap-i” për anëtarësim në NATO në bashkëpunim me institucionet e Kosovës. “Në atë takim, Kurti ka refuzuar të involvohet në diskutimin e parashtruar nga senatorët dhe kongresmenët amerikanë”, ka deklaruar Abazi. Deri më tani nuk ka pasur reagim zyrtar nga Zyra e Kryeministrit lidhur me këto pretendime.
