Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Draft-raporti vjetor për Kosova në Parlamenti Evropian përshëndet formimin e Kuvendi i Kosovës dhe Qeverisë së re pas zgjedhjeve të 28 dhjetorit, por njëkohësisht shpreh keqardhje për dështimin e deputetëve për të zgjedhur një president të ri brenda afatit kushtetues. Në dokument theksohet se viti 2025 u karakterizua nga paraliza politike dhe konsiderohet si një “vit i humbur” për vendin, për shkak të bllokadës së gjatë institucionale. Raporti përshëndet gjithashtu heqjen graduale të masave ndëshkuese të vendosura ndaj Kosovës që nga maji i vitit të kaluar, duke u bërë thirrje institucioneve të Bashkimi Evropian për heqjen e menjëhershme të masave të mbetura, të cilat sipas dokumentit nuk janë më të justifikueshme dhe po ndikojnë negativisht në shoqërinë kosovare. Në të njëjtën kohë, draft-raporti mbështet kërkesën e Kosovës për anëtarësim në Bashkimin Evropian dhe u bën thirrje pesë shteteve anëtare të BE-së që ende nuk e kanë njohur Kosovën të lëvizin drejt njohjes, në mënyrë që vendi të mund të avancojë në mënyrë të barabartë me kandidatët e tjerë. Sa i përket dialogut për normalizimin e marrëdhënieve mes Kosova dhe Serbia, raporti vlerëson se procesi ishte pothuajse “i fjetur” gjatë vitit 2025, për shkak të mungesës së një qeverie me mandat të plotë në Kosovë.
