Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës po merr pjesë në ushtrimin ndërkombëtar “Mittelmark 2026” në Gjermani, përkrah forcave të shteteve partnere, duke dëshmuar avancimin e kapaciteteve dhe rritjen e bashkëpunimit ndërkombëtar. Ministri i Mbrojtjes, Ejup Maqedonci, ka theksuar se pjesëmarrja në këtë ushtrim është tregues i përkushtimit të vazhdueshëm të Kosovës për zhvillimin e sektorit të mbrojtjes dhe integrimin në strukturat euroatlantike të sigurisë. Sipas tij, FSK është e integruar në strukturat e ushtrisë gjermane gjatë këtij ushtrimi, duke kontribuar në fushën e transportit dhe mbështetjes logjistike, çka reflekton nivel të lartë profesionalizmi dhe ndërveprueshmërie me partnerët ndërkombëtarë. Ky angazhim, sipas Maqedoncit, rikonfirmon rolin e Kosovës si partnere e besueshme në operacionet shumëkombëshe dhe në ndërtimin e një arkitekture të qëndrueshme të sigurisë në nivel ndërkombëtar.
