Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 24 mars 1999, rreth orës 20:00, NATO nisi fushatën ajrore ushtarake kundër Serbisë, në kuadër të operacionit të njohur si “Operacioni Forcës së Aleatëve. Ky intervenim erdhi si përgjigje ndaj përshkallëzimit të dhunës, shkeljeve të rënda të të drejtave të njeriut dhe fushatës së spastrimit etnik të ushtruar nga forcat serbe ndaj popullsisë shqiptare në Kosova. Vendimi për ndërhyrje u mor pas dështimit të përpjekjeve diplomatike ndërkombëtare, përfshirë bisedimet e Konferencës së Rambujesë, të cilat synonin arritjen e një marrëveshjeje paqësore. Në mungesë të një zgjidhjeje politike dhe për shkak të refuzimit të autoriteteve serbe për të ndalur operacionet ushtarake në Kosovë, NATO vendosi të ndërhyjë pa miratimin e Këshilli i Sigurimit i OKB-së. Fillimin zyrtar të operacionit e shpalli nga Brukseli Sekretari i Përgjithshëm i atëhershëm i NATO-s, Javier Solana, duke theksuar se ndërhyrja kishte për qëllim ndalimin e katastrofës humanitare dhe rikthimin e stabilitetit në rajon. Fushata ajrore zgjati 78 ditë dhe përfundoi me tërheqjen e forcave serbe nga Kosova në qershor të vitit 1999, duke hapur rrugën për vendosjen e administratës ndërkombëtare dhe praninë e forcave paqeruajtëse në territor.
