Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, ka përkujtuar sot 27-vjetorin e ndërhyrjes ushtarake të NATO kundër regjimit të Slobodan Milosheviq, duke e cilësuar atë si një moment historik që solli lirinë e Kosovës dhe paqen në rajon. Në mesazhin e tij, Begaj theksoi se fushata e NATO-s ishte vendimtare për ndaljen e shtypjes dhe dhunës ndaj popullit shqiptar në Kosovë, duke hapur rrugën drejt një të ardhmeje më të sigurt dhe më të qëndrueshme për gjithë Ballkanin. Ai shprehu mirënjohjen e përhershme të Shqipërisë ndaj Shtetet e Bashkuara të Amerikës dhe aleatëve të saj në NATO për rolin kyç në këtë ndërhyrje, duke nënvizuar se pa këtë mbështetje, liria dhe paqja nuk do të ishin të mundura. Begaj përfundoi se kjo datë mbetet një kujtesë e fuqishme për rëndësinë e solidaritetit ndërkombëtar dhe mbrojtjes së vlerave të lirisë dhe demokracisë.
