Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik Visar Ymeri ka vlerësuar se vendimi i Gjykata Kushtetuese e Kosovës për t’i dhënë edhe 34 ditë kohë kryeministrit Albin Kurti për zgjedhjen e presidentit nuk e zgjidh ngërçin politik në vend. Sipas Ymerit, problemi nuk qëndron te afatet kohore, por te mungesa e vullnetit politik ndërmjet partive për të arritur një marrëveshje. Ai thekson se subjektet politike kanë pasur kohë të mjaftueshme për të zgjedhur presidentin, por përplasjet dhe kalkulimet politike kanë bllokuar procesin. “Nuk është që nuk kemi pas kohë me arrit marrëveshjen për presidentin. Vendimi për 34 ditë shtesë nuk e adreson problemin real, që është mungesa e vullnetit politik,” ka deklaruar Ymeri. Ai paralajmëron se nëse situata vazhdon pa zgjidhje konkrete, Kosova mund të përballet me pasoja serioze institucionale, përfshirë mundësinë e zgjedhjeve të parakohshme dhe thellimin e krizës politike. Në këtë kontekst, Ymeri ka bërë thirrje për reflektim dhe përgjegjësi nga klasa politike, duke theksuar se arritja e një konsensusi për presidentin është thelbësore për stabilitetin institucional dhe funksionimin normal të shtetit.
