Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike e Kosovës, Blerta Deliu, ka ngritur shqetësime serioze për vonesat në procesin e zgjedhjes së presidentit në Kosova, duke akuzuar kryeministrin për mungesë të vullnetit politik. Sipas saj, Albin Kurti nuk po ndërmerr asnjë hap konkret për të çuar përpara këtë proces dhe për të funksionalizuar institucionet e reja të vendit. Deliu e cilësoi situatën si “amulli totale”, duke theksuar mospërputhjen mes deklaratave publike dhe veprimeve të qeverisë. Ajo paralajmëroi se zhvillimet e fundit mund ta çojnë vendin drejt zgjedhjeve të reja, duke shtuar se mungon shqetësimi i duhur nga ana e udhëheqjes aktuale për të shmangur një skenar të tillë. Deliu theksoi se PDK-ja ka bërë përpjekje të vazhdueshme për arritjen e një marrëveshjeje politike, me qëllim stabilizimin e situatës dhe shmangien e zgjedhjeve të parakohshme. Megjithatë, sipas saj, kryeministri nuk ka treguar gatishmëri për kompromis. Në përfundim, ajo vuri në pikëpyetje angazhimin e Kurtit për të qeverisur, pavarësisht mbështetjes së madhe që ka marrë nga qytetarët në zgjedhjet e fundit.
