Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, ka reaguar me shqetësim të thellë ndaj vendimit për rritjen e kostove të komunikimit telefonik për ish-bashkëluftëtarët që ndodhen në Hagë. Në reagimin e saj, organizata thekson se rritja e çmimeve për telefonatat përbën një barrë të rëndë jo vetëm financiare, por edhe emocionale për të akuzuarit dhe familjet e tyre. Sipas OVL-UÇK-së, komunikimi me familjen nuk është luks, por një nevojë themelore për të ruajtur lidhjet me më të afërmit. “Shtrenjtimi i zërit për njerëzit që janë larg familjeve të tyre është i papranueshëm dhe cenon dinjitetin njerëzor,” thuhet në reagim. OVL-UÇK vlerëson se kjo masë përbën një goditje morale dhe të padrejtë ndaj ish-bashkëluftëtarëve, duke theksuar se kufizimi i komunikimit familjar ndikon drejtpërdrejt në mirëqenien psikologjike të tyre. Organizata ka shprehur indinjatë edhe për, siç thotë, mohimin e së drejtës elementare për të qëndruar pranë familjeve deri në një vendim përfundimtar gjyqësor, duke paralajmëruar se do të vazhdojë të reagojë dhe të kërkojë trajtim më të drejtë për ta.
