Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti nga radhët e Partisë Demokratike të Kosovës, Ferat Shala e ka quajtur të paarsyeshme kërkesën për rritjen e cmimit të energjisë elektrike ndërsa paralajmërimin e Zyrës së Rregullatorit të Energjisë për shtyrje të tarifave të reja të energjisë elektrike deri më 1 maj, e ka quajtur vendim politik. “Çmimi nuk duhet rritur asesi për shkak të rrethanave që ka ekonomia e vendit, por shqetësuese përsëri mbetet çështja e vendimmarrjes së ZRRE-së, e cila në parim ka hapur procesin e pranimit të kërkesave të kompanive shërbyese energjetike, ka dalë me qëndrim se ato janë rreth 100 milionë euro, ka pasur afatet ligjore kur do duhej të hapej debati për këtë temë dhe i ka shtyrë, ka shtyrë edhe afatin e pranimit të kërkesave jashtëligjshëm dhe tani e shtyn edhe çështjen e vendimmarrjes” ka thënë për Ekonomia Online, deputeti, Fetrat Shala. Ai ka shtuar më tutje se veprimet e Zyrës së Rregullatorit të Energjisë për shtyrjen e afatit të tarifave të reja të energjisë elektrike deri më 1 maj, janë në shërbim në shërbim të politikës ditore. Kjo nënkupton që ata janë pjesë e lojës politike për shkak të situatës politike kur ne jemi në prag të procesit të zgjedhjes së presidentit apo të zgjedhjeve të përgjithshme të jashtëzakonshme.
