Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e AAK-së, Albana Bytyqi, ka akuzuar ministren e Drejtësisë, Donika Shvarc, se qëndron pas financimit të ekspozitës “Masakrat në Kosovë 1998–1999”, e cila ka nxitur debat të gjerë për shkak të dyshimeve mbi pasaktësitë në përmbajtje. Gjatë mbledhjes së komisionit parlamentar, Bytyqi deklaroi se, sipas informacioneve që posedon, financimi i ekspozitës lidhet me Gërvallën, duke shtuar se ajo në të kaluarën ka pasur qëndrime kundër vlerave të UÇK-së. Deputetja kritikoi gjithashtu mungesën e reagimit institucional dhe kërkoi sqarime për përgjegjësinë dhe masat e ndërmarra lidhur me përmbajtjen e ekspozitës dhe materialet e shpërndara jashtë vendit. Deklaratat e saj u kundërshtua nga kryetarja e komisionit, Fatmire Mulhaxha-Kollçaku, e cila ndërhyri duke i cilësuar të papërshtatshme akuzat në mungesë të ministres Gërvalla. Ajo kërkoi nga Bytyqi të shmangë konstatime të tilla pa ofruar përgjegjësi publike dhe prova konkrete. Në anën tjetër, ministri për Punë, Familje dhe Vlerat e Luftës Çlirimtare, Andin Hoti, u përgjigj se ka kërkuar përgjegjësi institucionale për çështjen e ekspozitës, duke theksuar nevojën për trajtim të kujdesshëm dhe institucional të temave që lidhen me luftën dhe kujtesën historike.
