Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së UÇK-së, ka reaguar ashpër ndaj përgjigjes së gjykatës speciale në Hagë, lidhur me Rezolutën e Kuvendi i Kosovës për ish-krerët e UÇK-së, duke e cilësuar atë si të papranueshme dhe formale. Sipas reagimit, reduktimi i një rezolute parlamentare në një njoftim administrativ, pa reflektim në përmbajtje, përbën një qasje që cenon vetë institucionin që ka themeluar këtë gjykatë. OVL e UÇK-së thekson se Dhomat e Specializuara burojnë nga vendimmarrja e Kuvendit të Kosovës dhe nuk mund të veprojnë të shkëputura nga vullneti sovran i tij. Sipas tyre, një përgjigje që përkthehet në “marrje në dijeni” pa veprim konkret është zhgënjyese dhe dëmton besimin e qytetarëve në drejtësi. Në reagim rikujtohet se UÇK-ja ka zhvilluar një luftë të drejtë për liri dhe se udhëheqësit e saj meritojnë trajtim me dinjitet dhe barazi të plotë para drejtësisë. Në fund, organizata kërkon që Rezoluta e Kuvendi i Kosovës të trajtohet me seriozitet dhe të reflektohet në vendimmarrje konkrete, duke theksuar se respektimi i sovranitetit të Kosovës nuk është opsion, por detyrim.
