Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Grupit Parlamentar të Partisë Demokratike të Kosovës, Eman Rrahmani, ka ngritur akuza ndaj Qeveria e Kosovës lidhur me ndarjen e fondeve publike për organizata joqeveritare. Përmes një postimi në Facebook, Rrahmani ka deklaruar se disa organizata joqeveritare serbe kanë përfituar gjithsej 619,690.98 euro nga Qeveria Kurti dhe institucione të tjera publike në Kosovë. Ai ka kritikuar faktin që, sipas tij, Organizata e Veteranëve të Luftës së UÇK-së nuk ka marrë asnjë mbështetje financiare nga ekzekutivi. “Ndërkohë, organizata që përfaqëson veteranët, invalidët dhe familjet e dëshmorëve të Ushtrisë Çlirimtare të Kosovës – OVL e UÇK-së – nuk ka përfituar asnjë euro nga Qeveria”, ka shkruar Rrahmani. Deklarata e tij vjen në një kohë tensionesh të vazhdueshme politike dhe debatesh për mënyrën e shpërndarjes së fondeve publike dhe trajtimin institucional të organizatave që dalin nga lufta e Ushtria Çlirimtare e Kosovës.
