Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës kanë njoftuar Kongresin për një leje të propozuar që parasheh eksportin e artikujve të mbrojtjes, të dhënave teknike dhe shërbimeve ushtarake drejt Kosovës, në vlerë prej rreth 14 milionë dollarësh ose më shumë. Sipas burimeve të cituara nga Radio Evropa e Lirë, njoftimi është dërguar nga Departamenti amerikan i Shtetit përmes Byrosë për Çështje Legjislative, në përputhje me Ligjin për Kontrollin e Eksportit të Armëve dhe është përcjellë në Komitetin për Marrëdhënie me Jashtë të Senatit amerikan. Dokumenti i dërguar në Kongres nuk përmban detaje publike mbi llojin e pajisjeve apo shërbimeve që përfshihen në këtë marrëveshje të propozuar. Kosova ka thelluar bashkëpunimin ushtarak me SHBA-në në vitet e fundit, duke përfshirë blerjen e dronëve, autoblindave dhe pajisjeve të tjera ushtarake, si dhe kërkesa për armatim më të avancuar si raketat kundërtanke “Javelin”. Ky zhvillim vjen në kuadër të procesit të transformimit të Forcës së Sigurisë së Kosovës (FSK) në ushtri, proces që ka nisur me mbështetjen e SHBA-së, ndërsa NATO ka theksuar nevojën që FSK të ruajë mandatin e saj aktual deri në përmbylljen e transformimit.
