Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i Gazetarëve të Kosovës i është drejtuar me një kërkesë publike Presidentit të Këshillit Evropian, Antonio Costa, me rastin e vizitës së tij në Kosovë, duke i kërkuar që në takimet me institucionet vendore të ngrejë çështjen e lirisë së medias dhe lirisë së shprehjes në vend. Në reagimin e saj, AGK ka vlerësuar se Kosova ka shënuar rënie të ndjeshme të lirisë së medias në vitet e fundit, duke iu referuar edhe raporteve ndërkombëtare, përfshirë vizitën e Platformës për Sigurinë e Gazetarëve të Këshillit të Evropës në mars. Sipas AGK-së, qeveria në detyrë dhe Lëvizja Vetëvendosje janë përfshirë në fushata të vazhdueshme denigrimi ndaj gazetarëve dhe mediave për shkak të punës së tyre, duke e bërë, siç thuhet në njoftim, mjedisin mediatik më të vështirë në vitet e fundit. Në njoftim theksohet gjithashtu se gazetarët në Kosovë vazhdojnë të luajnë rol thelbësor në informimin e publikut dhe mbrojtjen e vlerave demokratike, pavarësisht sfidave që përballojnë në punën e tyre.
