Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja austriake për Evropën, Claudia Bauer, ka përshëndetur vendimin e Këshillit Evropian për hapjen e negociatave me vendet e Ballkanit Perëndimor, përfshirë edhe Kosovën, me qëllim zgjerimin e zonës së roaming-ut të Bashkimit Evropian. Në një reagim në platformën “X”, Bauer e ka quajtur këtë zhvillim “lajm të shkëlqyer”, duke theksuar se kjo çështje ka qenë një prioritet i hershëm i Austrisë dhe se është e kënaqur që procesi i bisedimeve po fillon. “Lajm i shkëlqyer: Këshilli ka miratuar fillimin e bisedimeve për zgjerimin e zonës së roaming-ut në Ballkanin Perëndimor. Ky ka qenë një prioritet i hershëm austriak dhe jam e kënaqur që diskutimet më në fund mund të fillojnë”, ka deklaruar ajo. Sipas vendimit të Këshillit Evropian, negociatat përfshijnë Shqipërinë, Bosnjën dhe Hercegovinën, Kosovën, Malin e Zi, Maqedoninë e Veriut dhe Serbinë, me synimin që këto vende të përfshihen në skemën “Roam Like at Home” të Bashkimit Evropian.
