KQZ: Zgjedhjet u zhvilluan rregullisht, mbi 712 mijë qytetarë votuan deri në mbylljen e vendvotimeve

08/06/2026 Lajmet

Procesi i votimit në zgjedhjet e parakohshme parlamentare është mbyllur në orën 19:00, ndërsa sipas vlerësimeve preliminare të Komisioni Qendror i Zgjedhjeve, procesi zgjedhor është zhvilluar në mënyrë të rregullt dhe pa incidente që do të cenonin integritetin e tij. Në konferencën e mbajtur pas mbylljes së vendvotimeve, kryetari i KQZ-së, Kreshnik Radoniqi, deklaroi se bazuar në raportimet nga terreni, zgjedhjet janë zhvilluar qetësisht dhe në përputhje me standardet demokratike. “Deri në këtë kohë që flasim, nuk janë evidentuar incidente të cilat do të mund të cenonin integritetin, besueshmërinë apo mbarëvajtjen e përgjithshme të procesit”, tha Radoniqi. Ai falënderoi institucionet e angazhuara në mbarëvajtjen e procesit, përfshirë Policia e Kosovës, Prokuroria e Shtetit dhe KEDS për reagimin dhe koordinimin gjatë ditës së zgjedhjeve. Sipas të dhënave preliminare të mbledhura nga mbi 98 për qind e vendvotimeve, kanë votuar 712,148 qytetarë, që përbën 36.33 për qind të trupit elektoral prej 1,959,962 votuesish me të drejtë vote. Me vazhdimin e numërimit të votave, pritet të qartësohet edhe më tej rezultati i garës zgjedhore dhe raporti i forcave politike në Kuvendin e ardhshëm të Kosovës.

Kontrolloni gjithashtu

Vetëvendosja fiton bindshëm në Han të Elezit, Rufki Suma falënderon qytetarët për besimin

Ish deputeti i VV, Rufki Suma, ka njoftuar se Lëvizja Vetëvendosje ka shënuar fitore bindëse …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara