Në ambientet e Komunës së Skenderajt u shënua pensionimi i znj. Zahide Aliqkaj-Elshani

02/07/2026 Institucionet

Në një ceremoni të organizuar në ambientet e Komunës së Skenderajt, u shënua pensionimi i znj. Zahide Aliqkaj-Elshani, Zyrtare për Mirëqenie Sociale, në Drejtorinë e Shëndetësisë dhe Mirëqenies Sociale, pas një karriere të gjatë në shërbim të qytetarëve.

Në këtë aktivitet morën pjesë kryetari i Komunës, Sami Lushtaku, nënkryetari Fadil Nura, drejtori i Drejtorisë së Shëndetësisë dhe Mirëqenies Sociale, Hasan Hoti, zyrtarë komunalë, bashkëpunëtorë dhe familjarë.

Me këtë rast, kryetari Lushtaku vlerësoi lart përkushtimin, profesionalizmin dhe kontributin e çmuar të znj. Zahide Aliqkaj-Elshani ndër vite, duke theksuar se puna dhe angazhimi i saj kanë qenë në shërbim të qytetarëve të Komunës së Skenderajt dhe një shembull i përgjegjësisë institucionale.

Të pranishmit i uruan znj. Zahide shëndet, mbarësi dhe një pensionim të qetë, duke e falënderuar për kontributin e saj të vyer ndër vite.

Kontrolloni gjithashtu

KKSB në Viti mbajti mbledhjen e tretë të rregullt ku edhe u prezantua plani i veprimit

Në Komunën e Vitisë është mbajtur mbledhja e tretë e rregullt e Këshillit Komunal për …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara