Kryetari i Komunës së Deçanit, z. Bashkim Ramosaj, priti në takim Shefin e Misionit të OSBE-së në Kosovë, Ambasadorin Gerard McGurk.
Gjatë takimit u diskutua për zhvillimet e fundit në Komunën e Deçanit, si dhe për angazhimet dhe sfidat që lidhen me zhvillimin e mëtejmë të komunës.
Me këtë rast, kryetari Ramosaj ritheksoi përkushtimin e Komunës së Deçanit që çdo proces zhvillimor të bazohet në respektimin e ligjeve në fuqi dhe të jetë gjithmonë në shërbim të interesit të qytetarëve.
Në përfundim të takimit, kryetari Ramosaj e falënderoi Ambasadorin McGurk për vizitën dhe për mbështetjen e vazhdueshme që OSBE-ja i ofron Komunës së Deçanit.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
