Kryetari Haliti prezanton projekt-propozimin për rregullimin e parkut dhe hapësirave përreth në Letnicë

03/09/2026 Institucionet

Kryetari i Komunës së Vitisë, Sokol Haliti, së bashku me ekipin e inxhinierëve dhe arkitektëve të Komunës, ka prezantuar sot për herë të parë projekt-propozimin për rregullimin e parkut dhe hapësirave përreth në Letnicë.

Koncepti parasheh rregullimin dhe funksionalizimin e hapësirave publike, përfshirë gjelbërimin, shtigjet për këmbësorë, hapësirat për pushim, ndriçimin, parkingun dhe infrastrukturën tjetër përcjellëse.

Në fazën e ardhshme, projekt-propozimi do t’i prezantohet Këshillit të Fshatit, institucioneve lokale dhe banorëve të Letnicës, me qëllim të konsultimit dhe marrjes së sugjerimeve të banorëve para finalizimit të projektit.

Kryetari Haliti theksoi se synimi është që projekti përfundimtar të realizohet në harmoni me karakterin e Letnicës dhe në bashkëpunim të ngushtë me komunitetin lokal.

Kontrolloni gjithashtu

Kryetari Lushtaku ka pritur në takim Dr.Feim Dragushën, autor i librit “Kontributi i Popullit dhe Qeverisë së Bruneit për Kosovën”

Kryetari i Komunës, Sami Lushtaku së bashku me nënkryetarin Fadil Nura kanë pritur sot në …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara