Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati dhe analisti politik, Misetiq, ka ndarë pjesë nga fjala përmbyllëse e avokates së Hashim Thaçit në Hagë, e cila ka kundërshtuar pretendimet e Prokurorisë lidhur me akuzat për pengim të drejtësisë dhe ndikim te dëshmitarët. Sipas argumentimit të mbrojtjes, Prokuroria po kërkon dënimin e Thaçit duke u mbështetur në biseda dhe komunikime që, sipas saj, nuk kanë prodhuar ndonjë ndikim real në dëshmitë apo në procesin gjyqësor. Kjo qasje vjen përballë qëndrimit të Prokurorisë, e cila në deklaratat përmbyllëse ka pretenduar se Thaçi dhe bashkëakuzuarit e tij kanë tentuar për muaj të tërë të ndërhyjnë në dëshmitë e personave që dëshmonin në procesin kryesor për krime lufte dhe krime kundër njerëzimit. Prokuroria ka argumentuar se incizimet dhe dokumentet e sekuestruara dëshmojnë përpjekje për ndikim te dëshmitarët, ndërsa mbrojtja e Thaçit e kundërshton këtë interpretim dhe vë në pikëpyetje peshën reale të këtyre komunikimeve në proces.
