VERDIKTI I PADREJTË, POR BETEJA NUK PËRFUNDON KËTU!

17/09/2026 Institucionet

Një verdikt i padrejtë dhe i rëndë për të gjithë ne, por beteja nuk përfundon këtu ka reaguasr me një postim në rrjetet sociale, kryetari i Prishtinës Përparim Rama pas aktgjykimit dënues të Gjykatës Speciale në Hagë ku dënoi me nga 25 vite ish krerët e UÇK-së, Hashim Thaqin dhe Jakup Krasniqin me 18 vite Kadri Veselin dhe me 13 vite Rexhep Selimin.

Por ky nuk është fundi. Beteja vazhdon për të vërtetën, për drejtësinë, për dinjitetin dhe për mbrojtjen e luftës çlirimtare të UÇK-së.

Sot, më shumë se kurrë, na duhet të qëndrojmë bashkë. Ka momente që na sprovojnë si shoqëri, por pikërisht atëherë duhet të na bashkojë ajo që është më e madhe se secili prej nesh: respekti për sakrificën, për historinë tonë dhe për të vërtetën.

Në këto momente të vështira, qëndrojmë pranë familjeve të Hashim Thaçit, Kadri Veselit, Jakup Krasniqit dhe Rexhep Selimit.

Një verdikt mund të shënojë një moment të vështirë, por nuk e përfundon betejën për drejtësi. Ajo vazhdon institucionalisht, ligjërisht dhe me dinjitet.

Qëndrojmë bashkë. Me dinjitet. Me unitet. Me vendosmëri, ka shkruar kryetari i Prishtinës, z. Përparim Rama.

Kontrolloni gjithashtu

Vendimi i Gjykatës Speciale është i turpshëm, i papranueshëm, i padrejtë dhe lirimohues

Kryetari i Ferizajt, z. Agim Aliu e ka quajtur të turpshëm të padrejtë dhe lirimohues …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara