Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Kuvendit nga Partia Demokratike e Kosovës, Vlora Çitaku, ka thënë se është normale që Kosova të ketë herë pas here mospajtime me aleatët ndërkombëtarë. Ajo foli pas deklaratës së komisionares së Bashkimit Evropian, Marta Kos, e cila i cilësoi të papranueshme për BE-në ndryshimet e miratuara në Ligjin për Gjykatën Speciale. Çitaku tha se Kosova do të diskutojë me përfaqësuesit evropianë për t’ua shpjeguar qëndrimin e deputetëve. Sipas saj, qëllimi nuk është shmangia e drejtësisë, por kthimi i procesit në Hagë në atë që ajo e përshkroi si binarë të drejtë. Ajo përmendi si prioritete të diplomacisë parlamentare procesin e apelit në Hagë dhe anëtarësimin e Kosovës në Këshillin e Evropës. Çitaku u shpreh se partnerët mund të debatojnë dhe të kenë mospajtime, por shprehu bindjen se dialogu mund të sjellë pajtueshmëri. Deklarata vjen mes dallimeve publike mes Prishtinës dhe BE-së për ndryshimet ligjore lidhur me Dhomat e Specializuara.
