Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Ganimete Musliu, ka reaguar pas debatit të krijuar rreth kërkesës së partisë së saj për rikthimin e Ligjit për Dhomat e Specializuara në Kuvend, duke këmbëngulur se ky veprim nuk përbën tërheqje nga qëndrimi për mbrojtjen e ish-pjesëtarëve të Ushtrisë Çlirimtare të Kosovës. Musliu ka bërë të ditur se PDK-ja e ka ndërmarrë zyrtarisht hapin për rishqyrtimin e ligjit, me arsyetimin se synon të adresojë vërejtjet dhe të forcojë sigurinë juridike, si dhe mbrojtjen e të drejtave kushtetuese të ish-pjesëtarëve të UÇK-së. “Përmirësimi i ligjit nuk është tërheqje”, ka theksuar Musliu, duke insistuar se angazhimi i partisë do të vazhdojë deri në hyrjen e tij në fuqi. Ajo ka ritheksuar se mbrojtja e UÇK-së është përgjegjësi kombëtare dhe shtetërore, ndërsa ka konfirmuar se PDK-ja do të vazhdojë të ofrojë mbështetje profesionale dhe financiare për mbrojtjen e ish-krerëve dhe ish-pjesëtarëve të UÇK-së që po përballen me proceset gjyqësore në Hagë. “UÇK-ja është historia jonë e lirisë, ndërsa mbrojtja e vlerave të luftës çlirimtare është zotim që nuk negociohet. Nuk do t’i lëmë vetëm. As sot, as nesër!”, ka shkruar Musliu.
