Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka prezantuar një paketë me gjashtë instrumente ligjore që synojnë parandalimin e dhunës gjatë protestave, mbrojtjen e pronës dhe ndëshkimin e personave përgjegjës për dëmet e shkaktuara. Paketa vjen pas tensioneve dhe akteve të dhunës të regjistruara gjatë protestës së së shtunës në Tiranë. Sipas qeverisë shqiptare, masat mbështeten në parimin se protesta paqësore është e drejtë që duhet mbrojtur, ndërsa dhuna dhe dëmet e shkaktuara duhet të kenë pasoja ligjore. Gjashtë pikat e paketës kundër dhunës urbane janë:
- Dëmshpërblimi i bizneseve: Kompensim nga 70 deri në 100 për qind për bizneset e vogla të dëmtuara gjatë protestave.
- Ligji “Kush thyen, paguan”: Autorët e dëmeve do të mbajnë përgjegjësi financiare dhe mund të gjobiten deri në 500 mijë lekë.
- Ndryshimet në ligjin për tubimet: Kompetenca më të gjera për policinë, perimetra sigurie deri në 72 orë dhe masa kundër dhunës gjatë protestave.
- Regjistri i posaçëm elektronik: Regjistrim i personave nën hetim ose të referuar për vepra penale kundër sigurisë publike.
- Kodi i Etikës për mësuesit: Masa disiplinore ndaj mësuesve që nxisin ose organizojnë përfshirjen e të miturve në tubime.
- Ndryshimet në Kodin Penal: Ashpërsim i dënimeve për shkatërrimin e pronës, sulmet ndaj policisë, nxitjen e dhunës dhe kërcënimet online.
