Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Besnik Tahiri, ka kërkuar zbardhjen e plotë të rrethanave të vdekjes së Astrit Deharit, duke ngritur shqetësimin për mungesën e rezultateve dhe të përgjegjësisë institucionale edhe dhjetë vjet pas vdekjes së tij.
Duke folur në seancën e Kuvendit të Kosovës, Tahiri ka kritikuar institucionet për mungesën e përgjigjeve konkrete lidhur me këtë rast, i cili vazhdon të mbetet një çështje e pazbardhur plotësisht në opinionin publik.
Ai ka theksuar se familja Dehari dhe opinioni publik meritojnë përgjigje të qarta për rrethanat e vdekjes së Astrit Deharit, ndërsa ka kërkuar që institucionet përgjegjëse të mos vazhdojnë të shmangin llogaridhënien.
Tahiri ka vlerësuar se rasti nuk duhet të trajtohet përmes kalkulimeve politike apo përplasjeve partiake, por përmes mekanizmave të drejtësisë, me qëllim që të zbardhen të gjitha rrethanat dhe të përcaktohen përgjegjësitë eventuale.
Sipas tij, kalimi i një dekade pa përgjigje të plota për këtë rast përbën një arsye të mjaftueshme që institucionet ta trajtojnë me seriozitet të shtuar kërkesën për drejtësi.
