Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidentja e Kosovës, Justina Shiroka Pula, priti në takim një delegacion të Rrjetit të Grave të Kosovës, të kryesuar nga kryetarja e Bordit të këtij rrjeti, Nermin Mahmuti, me të cilin diskutoi për mbrojtjen dhe avancimin e të drejtave të grave. Përfaqësueset e RrGK-së e uruan Presidenten për marrjen e detyrës dhe shprehën gatishmërinë për bashkëpunim në adresimin e çështjeve që lidhen me barazinë gjinore dhe mbrojtjen e grave. Gjatë takimit u diskutua veçanërisht për masat që duhet të ndërmerren për parandalimin e dhunës ndaj grave dhe vrasjeve të tyre. Përfaqësueset e RrGK-së propozuan përfshirjen e femicidit në Kodin Penal, fuqizimin e mekanizmave për mbrojtjen e viktimave, mbështetjen e pavarësisë ekonomike të grave, si dhe rritjen e buxhetit për punëtorët socialë dhe shërbimet e specializuara. Presidentja Shiroka Pula vlerësoi kontributin e Rrjetit të Grave të Kosovës dhe të organizatave të shoqërisë civile në luftimin e dhunës ndaj grave. Ajo shprehu gatishmërinë për të mbështetur përpjekjet e tyre, duke theksuar rëndësinë e veprimeve konkrete, koordinimit institucional dhe angazhimit të vazhdueshëm për garantimin e sigurisë dhe të drejtave të grave.
