Akademik Arsim Bajrami ka reaguar pas vizitës familjare të ish-zëdhënësit të Ushtrisë Çlirimtare të Kosovës, Jakup Krasniqi, në shtëpinë e tij në Prishtinë, duke vënë në pah rëndësinë e humanizmit, dinjitetit njerëzor dhe solidaritetit në rrethana të vështira familjare. Përmes një postimi në Facebook, në ditën e parë të qëndrimit të Krasniqit në Kosovë, Bajrami ka theksuar se e drejta për të qenë pranë bashkëshortes në momentet e sëmundjes dhe vështirësive familjare duhet të respektohet mbi çdo konsideratë tjetër. “Humanizmi, dinjiteti njerëzor dhe solidariteti duhet të mbizotërojnë mbi çdo konsideratë tjetër, sepse e drejta për të qenë pranë bashkëshortes në momentet e sëmundjes dhe të vështirësisë familjare është një e drejtë themelore njerëzore, që meriton respekt dhe mirëkuptim të pakushtëzuar”, ka shkruar Bajrami. Reagimi i tij vjen pas vizitës së Jakup Krasniqit në familjen e tij në lagjen Velania të Prishtinës, ku ai pati mundësinë të qëndronte për disa orë pranë bashkëshortes, Sevdije, dhe familjarëve të tjerë. Krasniqi, i cili po mbahet në paraburgim në Hagë, do të qëndrojë edhe tri ditë në Kosovë, në kuadër të vizitës së autorizuar për arsye familjare.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
