Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organet e sigurisë në Republikën e Kosovës nuk posedojnë asnjë listë të plotë lidhur me emrat e serbëve të dyshuar, për kryerjen e krimeve në Kosovë, gjatë periudhës së luftës në vitet, 1998-99. Një listë të tillë të ushtarakëve apo personave të armatosur, për të cilët ka shënime që kanë marrë pjesë në kryerjen e krimeve të rënda si masakrime të popullatës civile, pushkatime, therje dhe dhunimin e femrave, e posedon vetëm Misioni i Bashkimit Evropian për Sundim të Ligjit, i cili do të duhej të kishte për detyrë edhe ndjekjen e tyre. Zëvendës-drejtori i përgjithshëm i Policisë së Kosovës, Naim Rexha, ka konfirmuar për mediet se EULEX-i është i vetmi institucion që i disponon emrat e të dyshuarve, të cilët kanë kryer krime gjatë periudhës së luftës mbi popullatën shqiptare. Policia e Kosovës nuk ka asnjë listë të vetme. Megjithatë, Rexha thotë se janë disa zyrtarë të Policisë të cilët bashkëveprojnë në kuadër të Njësisë së krimeve të luftës së policisë së EULEX-it.
