Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar vizitën në Bruksel të zëvendëskryeministrit, Branimir Stojanoviq, kryetari i Kuvendit, Kadri Veseli ka thënë se miratimi i Ligjit për Trepçën ka marrë fund dhe të kota janë përpjekjet për të biseduar për Trepçën në Bruksel. Çështja e Trepçës ka përfunduar me miratimin e ligjit dhe kjo u bë për të mirën ekonomike të të gjithëve. Çështja e Trepçës ka përfunduar me vendimin e seancës plenare të Republikës së Kosovës. Asnjë qëllim tjetër përveç atij ekonomik te vendimmarrja e Kuvendit të Kosovës. Çdo qëllim tjetër, apo çdokush që ka qëllime të tjera politike, i cili tenton ta vë në pazare çështjen e Trepçës ka gabuar dhe është mirë t’i ndërpresë mënyrat e tilla për arsye se ne jemi të përkushtuar që të vazhdojmë procesin e dialogut dhe të kemi raporte të mira me Serbinë, por ne jemi shtet i pavarur dhe vendimet i marrim në mënyrë sovrane, thuhet në reagimin e kryetarit të Kuvendit, Kadri Veseli.
