Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për motivet e dënimeve të pjesëtarëve dhe eprorëve të Ushtrisë Çlirimtare të Kosovës, kryetari i ri i Organizatave të Veteranëve të Luftës së UÇK-së, Hysni Ngucati ka deklaruar kjo është përpjekje për barazim me krimet e Serbisë. Ai ka shtuar më tutje se me këto gjykime të padrejta, EULEX-i dhe Serbia janë të njëjta. Të dyja kanë montuar raste. Ne kemi kërkuar që të hiqet EULEX-i nga Kosova, ne kemi gjykata dhe të mbetet në dorë të tyre. Ushtria Çlirimtare e Kosovës nuk ka bërë krime ndërsa ata që bënë dhe duhet dënuar, shëtisin në Veri të Mitrovicës dhe Graçanicë. Ndërsa duke komentuar seancën e Kuvendit dhe debatin e zhvilluar aty, kryetari i ri i Organizatave të Veteranëve të Luftës së UÇK-së, Hysni Ngucati ka deklaruar se ai ishte një debat sa për sy e faqe. Ai ka thënë se organizata që drejton është duke shqyrtuar mundësinë e protestave kundër gjykimeve dhe dënimeve të pjesëtarëve dhe eprorëve të Ushtrisë Çlirimtare të Kosovës dhe njollosjen e luftës së saj çlirimtare.
