Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i partisë Demokracia e Re, në Greqi, Qiriakos Micotakis pretendon se Shqipëria, me një seri deklaratash dhe aktesh, hap pothuajse të gjitha temat e marrëdhënieve dypalëshe, duke shtuar dhe çështjen e ashtuquajtur çame. Në një miting të partisë së tij nga Janina për temat kombëtare, duke kritikuar qeverinë “Cipras” për ekonominë dhe krizën e refugjatëve, ai iu është referuar – përveç marrëdhënieve me Turqinë dhe çështjes qipriote, edhe kërkesave të Shqipërisë për çështjen çame. “Tirana po vendos çështje inekzistente, ndërsa vet ajo kryen akte të papranueshme, siç janë shembja e shtëpive të grekëve në Himarë, apo transportimi i materialeve propagandistike nacionaliste nga zyrtarët e Ministrisë së Jashtme. Andaj nga Janina po u çoj të gjitha palëve një mesazh të qartë: Mos luani me Greqinë! Dhe mos e konsideroni si të përhershme predispozitën tonë të mirë, ka përfunduar referimin për Shqipërinë, greku Micotakis.
