Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Aleancës për Ardhmërinë e Kosovës, Pal Lekaj i është drejtuar me letër të hapur kryetarit të vendit, Hashim Thaçi dhe kryeministrit, Isa Mustafa prej të cilëve ka kërkuar të tregojnë se a kanë qenë në niveli e detyrës për t’u angazhuar për lirimin e liderit të Aleancës për Ardhmërinë e Kosovës Ramush Haradinaj të arrestuar nga policia franceze në bazë të flet arrestit të Serbisë. Heshtja juaj është shenjë se ju, ose jeni të paaftë të bëni atë çka është e nevojshme, siç veprojnë të gjithë udhëheqësit e shteteve demokratike, kur cenohet e drejta për të lëvizur për qytetarët e tyre, ose në një mënyrë jeni pajtuar, që ish-kryeministri, Ramush Haradinaj të vazhdojë të mbetet edhe me tutje në Francë, e të mos ketë mundësi të jetë në Kosovë, afër familjes, qytetarëve dhe shtetit të vet, për të cilin në çdo qastë angazhohet që të jetë i fortë, i zhvilluar dhe i pa nënshtruar. Problemet në Kosovë vazhdojnë të grumbullohen, nënkupton që situata po bëhet çdo ditë e me shpërthyese. E dikur do të bëhet vonë, s’do të keni ”uji për të shuar shpërthimin”, ka shkruar në mes tjerash, nënkryetari i Aleancës për Ardhmërinë e Kosovës, Pal Lekaj.
