Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për procesin gjyqësor në Kolmar të Francës dhe këmbënguljes e Serbisë për ta dënuar liderin e Aleancës për Ardhmërinë e Kosovës, Ramush Haradinaj, avokati i tij, Arianit Koci ka theksuar se Serbia ka inati të posaçëm ndaj Haradinaj për shkak të humbjeve që ju ka shkaktuar forcave ushtarake dhe paraushtarake serbe gjatë luftës për çlirimin e Kosovës. Ai ka shtuar më tutje se Serbia po e shantazhon Francën për ekstradimin e Haradinajt por gjykata nuk do ta marr këtë vendim. Por, në rast që gjykata në Kolmar vendos që ta ekstradoj z. Haradinaj, atëherë është ministri i Drejtësisë, ai vendos për ekstradim dhe ekstradimi i Haradinajt për në Serbi nuk mund të ndodhë. Kërkesa e Serbisë është politike dhe riciklim i akuzave që janë trajtuar në Tribunalin e Hagës. Thjesht, Serbia po e keqpërdor të drejtën ndërkombëtare. Ramushi është hero i gjallë, krenaria e jonë, prandaj sulmi ndaj tij është sulm ndaj Kosovës, ka theksuar, avokati, Arjanit Koci.
