Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Agjencisë Kundër Korrupsionit, Shaip Havolli, ka bërë me dije se me plotësim-ndryshimin e kornizës ligjore, kësaj agjencie do t’i rriten kompetencat dhe roli në luftimin e korrupsionit. Ai ka thënë për Epoka e Re se në dy vjetët e fundit ka pasur zhvillim pozitiv sa i përket trajtimit të rasteve të korrupsionit. Gjatë kësaj periudhe janë ngritur mbi 25 aktakuza dhe shumica prej tyre i takojnë profilit të lartë. Edhe në prokurimin publik ka lëvizje pozitive në aspektin e parandalimit të korrupsionit. Havolli ka thënë se pret rezultate të prekshme nga futja në përdorim e sistemit të prokurimit elektronik pasi, është një mjet që i bën praktikat e prokurimit më transparente, zvogëlon burokracinë, rrit konkurrencën dhe është më pak diskriminues e, për rrjedhojë, do ta minimizojë riskun nga korrupsioni, ka thënë mes tjerash, Havolli.
