Nënkryetari Nura monitoron punimet në rrugën unazore “17 Shkurti”

11/04/2017 Institucionet

Nënkryetari i Komunës së Skenderajt Fadil Nura ka inspektuar punimet në rrugën “17 Shkurti”. Kryetari Nura i shoqëruar nga bashkëpunëtorët e tij ka parë nga afër realizimin e punimeve në këtë projekt shumë të rëndësishme për qytetin e Skenderajt, i cili po shkon drejt përfundimit.

Nënkryetari Nura u shpreh i kënaqur me punët që po realizohen në këtë fazë të punimeve. Sipas tij me përfundimin e punimeve në rrugën unazore “17 Shkurti”, qyteti i Skenderajt po bëhet qytet me qarkullim të lehtë dhe infrastrukturë moderne, objektiv ky i kahmotshëm i qeverisjes lokale të Skenderajt.

“Qytetarëve të Skenderajt po ju ofrojmë infrastrukturë moderne, hapësira të urbanizuara në brendi të qytetit, kushte të favorshme të banimit dhe kushte për veprimtari të ndryshme afariste”, tha z. Nura.

Me përfundimin e rrugës “17 Shkurti”, Skenderaj po krijon edhe një hapësirë të përshtatshme për banim dhe afarizëm në njërën ndër pjesët më të bukura të qytetit, përgjatë lumit Klina.

Kontrolloni gjithashtu

Komuna e Skenderajt do të organizoj akademi përkujtimore për heroin Abaz Thaçi dhe 10 dëshmorë tjerë

Nën organizimin e Shoqatës së sh-Brigadës 138 “Agim Ramadani”, të enjten me 16 maj, në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara