Përkundër motit të ftohtë dhe me reshje shiu disa qindra njerëz gjatë ditës se mërkure kanë marrë pjesë në protestën që është duke vazhduar në Beograd. Përndryshe ishte kjo dita e 17-të e demonstratave kundër partisë në pushtet. Demonstratat kundër, siç thuhet, “diktaturës” kanë nisur në Beograd dhe qytete të tjera të Serbisë më 3 prill, një ditë pasi kryeministri Aleksandar Vuçiq fitoi zgjedhjet presidenciale. Protestuesit thanë se kërkojnë lirinë e medias, shkarkimin e “elitës politike” të udhëhequr nga Vuçiq, heqjen e “të gjithë zyrtarëve të korruptuar”, si dhe zgjedhje “të drejta dhe të lira”. Ndërsa protesta përfundoi para Kuvendit të Serbisë ku organizatorët njoftuan se protesta do të rifillojë mbrëmjen e sotme.
Kontrolloni gjithashtu
Rrezikohet rruga e anëtarësimit të Kosovës në Këshillin e Evropës pas rekomandimeve të Francës dhe Gjermanisë
Hapat e fundit të Kosovës drejt anëtarësimit në Këshillin e Evropës shfaqin shenja të kthimit …