Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e propozimit të kryeministres Ana Brnabiq që Aleksandar Vulin të jetë ministër i Mbrojtjesc i Serbisë, ka reaguar Qendra për Studime Euroatlantike, e cila ka shprehur shqetësimin e thellë për këtë veprim. Kjo Qendër në kumtesën e saj rreth këtij rasti thekson se Vulin që nga viti 2012, kur ishte drejtor i të ashtuquajturës Zyrë për Kosovën, e deri më tash “me deklaratat dhe veprimet e tij vetëm sa ka kontribuuar në përkeqësimin e praktikës demokratike në Serbi dhe marrëdhëniet me fqinjët në rajon”. Qendra thekson se Vulin ka mohuar gjenocidin në Bosnje, vendimet e Gjykatës Ndërkombëtare të Drejtësisë, dhe retorika e tij për Bosnjën, Kosovën, Kroacinë, Malin e Zi dhe Maqedoninë paraqesin vazhdim të retorikës së Sllobodan Millosheviqit.
Sipas kësaj qendre, mungesa e kontrollit demokratik mbi sistemin e mbrojtjes dhe emërimi i Vulin për ministër të Mbrojtjes nga njëra anë, derisa gjenerali Lubisha Dikoviq është shef i Shtabit të Përgjithshëm të Ushtrisë së Serbisë nga ana tjetër, paraqesin kërcënim të sigurisë për Serbinë dhe rajonin e Ballkanit Perëndimor, dhe ndoshta edhe më gjerë. Në kumtesë vlerësohet se ndërrimi i Dikoviqit dhe mos emërimi i Vulinit për ministër të Mbrojtjes, do të ndikonin që Serbia dhe rajoni të jenë më stabil.
