Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Partisë Demokratike të Kosovës, Enver Hoxhaj ka thënë se koalicioni PAN i ka votat e mjaftueshme për krijimin e Qeverisë. Ai ka thënë më tutje se vendi nuk do të futet në krizë politike sepse koalicioni PAN i ka numrat e domosdoshëm për krijimin e institucioneve të reja. Ramush Haradinaj do të jetë kryeministër i ri, ndërsa Partia Demokratike e Kosovës do të jetë motori i kësaj Qeverie, e cila do të merret me vendimet e mëdha për vendin,është cituar të ketë deklaruar zëvendëskryetari i PDK-së, Enver Hoxhaj. Ai ka shfaqur bindjen e tij se institucionet e reja do të krijohen në javën e ardhshme dhe ka ftuar të gjitha partitë që të krijojnë një konsensus politik rreth disa temave të mëdha, siç janë Demarkacioni apo krijimi i ushtrisë.
