leoni

Nënkryetari Nura: Bashkëpunimi me CDI-në është model i bashkëpunimit të frytshëm

26/07/2017 Institucionet

Nënkryetari i Komunës së Skenderajt Fadil Nura ka pritur të mërkurën në takim udhëheqësit e CDI-së me në krye Alan Brown udhëheqës i Programit për Furnizim me Ujë të Pijshëm dhe Kanalizime Rurale si dhe zotërinjtë Astrit Vokshi e Lavdim Osmanaj. Në fillim të takimit nënkryetari Nura e ka falënderuar në mënyrë të veçantë Alan Brown dhe CDI-në për përkrahjen që kjo organizatë po ju jep projekteve të rëndësishme infrastrukturore në Skenderaj. Ai me këtë rast i ka përmendura projektin e rrjetit të ujësjellësit për 12 fshatra të Komunës së Skenderaj dhe projektin e ndërrimit të gypit furnizues me ujë të pijes për qytetin e Skenderaj. “Projektet e realizuar me CDI-në ka dhënë rezultate dhe bashkëpunimi me këtë organizatë është model i bashkëpunimit të frytshëm”, tha Nura. Nga ana e tij Alan Brown u shpreh shumë i kënaqur me bashkëpunimin që ka pasur CDI-ja me Komunën e Skenderajt dhe Kompaninë Regjionale të Ujësjellësit, duke u shprehur se partneriteti ka qenë në nivel të kënaqshëm. Nënkryetari Nura dhe Brown bashkëbiseduan edhe për mundësinë e bashkëpunimit në projekte të tjera të ujësjellësve në fshatra të tjera të Skenderajt dhe për mundësinë e bashkëpunimit edhe në trajtimin e ujërave të zeza në disa fshatra ku Komuna e Skenderajt po realizon projekte të kanalizimit fekal. Me theks të veçantë të dy bashkëbiseduesit trajtuan edhe nevojën për investime në këtë fushë pasi projektet e tilla ndikojnë direkt në mbrojtjen e ambientit. Nënkryetari Fadil Nura,  Alan Brown dhe pjesa tjetër e delegacionit, të shoqëruar edhe nga Drejtori Ekzekutiv i Kompanisë Rajonale të Ujësjellësit Sami Miftari dhe Drejtori i Njësisë së Ujësjellësit në Skenderaj Ilaz Halili, kanë vizituar impiantin e ujërave të zeza në Tërnac, ndërtimi i të cilit është financuar nga CDI-ja, stacionin e pompimit të ujit në Vitak dhe atë në Radishevë.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara