U MBAJT DËGJIMI PUBLIK PËR PËRGATITJEN E BUXHETIT TË KOMUNËS SË RAHOVECIT PËR VITIN 2027

11/09/2026 Institucionet

Sot, në Sallën e Kuvendit Komunal të Rahovecit, është mbajtur dëgjimi buxhetor publik me qytetarë për përgatitjen e buxhetit të Komunës së Rahovecit për vitin 2027.

Takimi u organizua nga Komiteti për Politikë dhe Financa, në bashkëpunim me Drejtorinë për Buxhet dhe Financa dhe Zyrën për Informim.

Qytetarët e pranishëm patën mundësinë të njoftohen me qarkoret buxhetore dhe të paraqesin propozimet, kërkesat dhe prioritete e tyre për investimet kapitale.

U theksua rëndësia e pjesëmarrjes publike në planifikimin financiar për të siguruar një buxhet sa më të drejtë dhe në shërbim të të gjitha komuniteteve.

Për të gjithë ata që nuk mundën të jenë të pranishëm, dërgimi i kërkesave, komenteve dhe sugjerimeve mbetet i hapur edhe përmes email-ave zyrtarë:

* [email protected]

* [email protected]

* [email protected]

Dokumentet dhe prezantimet buxhetore vazhdojnë të jenë të qasshme në uebfaqen zyrtare të komunës dhe në Platformën e Konsultimeve Publike.

Falënderojmë të gjithë qytetarët për kontributin dhe pjesëmarrjen e tyre!

Kontrolloni gjithashtu

Në Zatriq u përurua parku i energjisë së ripërtëritshme të prodhuar nga era

Në Zatriq të Rahovecit, sot është inauguruar parku i energjisë së ripërtëritshme të prodhuar nga …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara