Përurohen projektet kapitale në Kaçanik

02/08/2017 Institucionet

Bashkëpunimi i Komunës së Kaçanikut me programin DEMOS, ka shënuar implementimin e dy projekteve shumë të rëndësishme për qytetarët e Komunës së Kaçanikut për vitin 2017. Ndërtimi i urave për këmbësor mbi Lumin Nerodime si dhe Ndërtimi i trotuarit për këmbësor në lagjen Dushkaja dhe ndriçimin publik në hyrje të qytetit u përuruan të mërkurën nga Kryetari i Komunës së Kaçanikut Besim Ilazi si dhe Menaxheri i projektit DEMOS Norbert Plijs. Kryetari Ilazi falënderoi taksapaguesit zviceran për kontributin e dhënë në jetësimin e shumë projekteve kapitale në Kaçanik, e po ashtu falënderoi edhe taksapaguesit e komunës së Kaçanikut, të cilët nga pagesa e tatimit po ndihmojnë në ngritjen e mirëqenies qytetare. Kryetari Ilazi tha se vendi ka nevojë edhe më tutje për investime, ndërsa uroi në bashkëpunim të mëtejmë me organizata kredibile siç është DEMOS. Ndërkohë Menaxher i Projektit DEMOS Norbert Piljs uroi qytetarët e Kaçanikut për këto projekte të rëndësishme kapitale, ndërsa konfirmoi bashkëpunimin e DEMOS-it me Komunën e Kaçanikut edhe për vitet e ardhshme, duke shtuar se kjo organizatë vepron në Kaçanik për tetë vite. Ai tha se duhet të punojmë së bashku për një qeverisje të mirë si dhe ofrimin e shërbimeve më të mira për qytetarët e komunës së Kaçanikut, duke vënë re përparimin e bërë në Kaçanik kohëve të fundit. Edhe Ramadush Osmani-Drejtor i Shërbimeve Publike, falënderoi shtetin zviceran për investimet e bëra në Kaçanik tash e sa vite përmes projektit DEMOS. Vlera e përgjithshme e projektit me Komunën e Kaçanikut është 115,087.82, prej të cilave komuna ka kontribuar me 48,370.92 euro ndërsa projekti DEMOS me 74,095.77 euro.

Kontrolloni gjithashtu

Në Mirash po vazhdojnë me intensitet të shtuar punimet për ndërtimin e rrugës kryesore  

Punimet për ndërtimin e rrugës kryesore në fshatin Mirash të komunës së Ferizajt po vazhdojnë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara