Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore në Prizren ka aprovuar kërkesën e Prokurorisë Speciale për t’ia caktuar masën e paraburgimit prej një muaji për Bogdan Mitroviqin, i dyshuar për krime lufte në fshatin Sopi. I pandehuri dyshohet se në bashkëkryerje ka kryer veprat penale krime lufte kundër popullsisë civile sepse me datën 02.04.1999, në fshatin Sopi ishin vrarë 32 persona civil të paarmatosur, nga ana e forcave të armatosura serbe e ndër ta ishte edhe i pandehuri i lart përmendur”, thuhet në njoftimin e Gjykatës Themelore në Prizren. Pasi që ai është me nënshtetësi të Kosovës dhe Serbisë dhe nuk ka vendbanim apo vendqëndrim të sigurt në Kosovë, Gjykata i ka caktuar masën e paraburgimit. Javë më parë kjo gjykatë ka caktuar paraburgim edhe për Agim Sahitajn, nga Sopia, i cili gjatë luftës duke qenë milic i MUP-it të Serbisë dhe dushohet ka kryer krime lufte në fshatin e tij kundër bashkëvendësve.
