Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Drejtësisë, Dhurata Hoxha, nëpërmjet rrjetit social, ka uruar të gjithë besimtarët e fesë myslimane të Republikës së Kosovës, kudo që ndodhen me dëshirat më të mira për shëndet, paqe e begati. Ajo në urimin e saj drejtuar besimtarëve, thekson se Kurban Bajrami është festë që kthen te burimet themelore të mirësisë, përkushtimit dhe mirëkuptimit, mesazhet thelbësore për secilin njeri- sakrifica, solidariteti dhe dashuria mes njerëzve dhe popujve.
Postimi i plotë i Ministres Hoxha:
“Të gjithë besimtarëve myslimanë të Kosovës, Gëzuar Kurban Bajrami!
Me rastin e Kurban Bajramit, të gjithë besimtarëve mysliman, brenda dhe jashtë vendi, ua uroj Festën me dëshirat më të mira për shëndet, paqe e begati në familjet Tuaja.
Festa e Kurban Bajramit, është festë që na kthen te burimet themelore të mirësisë, përkushtimit dhe mirëkuptimit, mesazhet thelbësore për secilin njeri- sakrifica.
Adhurimi i Zotit, ndjenja e thellë e respektit për krijuesin, na fuqizon vullnetin për punë të dobishme dhe të vlershme për të tjerët, për solidaritetin dhe dashurinë në mes njerëzve dhe popujve.
